Geed miroodka cambaha oo ka mid ah Thimaarta dalkeena sida xad dhaafka loogu isticmaalo islamarkaana manaafacaad badan u leh bulshada ayna ka buuxaan Vitamin ayaa mudaayinka danbe shaqaalaha dhuxusha geedaha ka jara waxay ku bilaabeen olole xoogan oo jaris ah, iyagoo u isticmaalaya dhuxul kaddibna dibedda u dhoofinaya.
Jarista geedkan manfaca u leh bulshada Soomaaliyeed ayaa waxa ay timid markii dadka dhuxusha dhoofiya ay xaalufiyeen geedihii kale oo markii hore dhul ka soo saari jireen ,waxayna gubaadka lagu hayo degeenka Soomaaliya ay sabab u tahay markii uu meesha ka baxay sharcigii iyo haylkalkii maamul ee dadka iyo dalka hagi lahaa.
Dadka dhuxul leyda ah ayaa la xaqiijiyay in marka ay dhuxul ahaan geedaha u jarayaan ay si naxriis la’aan u adeegsadaan qalab casri ah oo daqiiqadii jari karo geedo badan.
Mid ka mid ah Ganacsatada dhuxusha Soomaaliya oo u warramayay wakaalada wararka ee Kuwait ayaa sheegay in geedihii loo isticmaali jiray dhuxusha ay Soomaaliya gabaabis ka noqdeen sidaa darteedna ay hada lagama maarmaan noqotay in loo jeesto jarista geedaha kale ee manfaca u leh bulshada oo uu geed miroodku ka mid yahay.
Dhuxusha Soomaaliya ayaa waxa suuqyada khaliijka carabta lagu iibiyaa qiimo aad u hoosaya, iyadoo halkii jawaan oo dhuxul ah qiimihiisu yahay 3.5 Diinaar, waxaa kaloo jiraa qiimo kale oo kan ka hoosayo oo jawaanka dhuxusha wadamada khaliijka lagu iibiyo 2.5 Diinaar.
Sida laga warqabo jarista geedaha nooc kasta oo ay noqdaanba waxay degaanka u keenayaan dhibaato nabad guur ah iyo xoolihii oo waaya wax ay cunaan islamarkaanaa ay dalka ka cararaan duur joogtadii soo jeedan jirtay dalxiisayaasha sida Maroodiga, deerada, dameer farowga iyo Geriga.
Xilligii dowladdii dhexe ee Soomaaliya ee uu hogaaminayey Allaha u naxariistee Maxamed Siyaad Barre waxay mudnaanta kowaad siisay daryeelka degaanka waxayna soo saartay sharci mamnuucaya jarista geedaha, waxayna sameysay seerooyin badan oo waqtiga jilaalka ah ay xooluhu daaqaan, hadda dadaalkaasi oo dhan meesha waa ay ka baxday , waxaa soo ifbaxay dad manaxayaal ah oo xaalufiyay deegaanka Soomaaliya waxaana halis galay wax soo saarkii beeraha.
Sonna